Hátíð

Loksins kom hátíðin sem beðið var eftir, grá meri fæddist 19. júlí 2003 en alls ekki á þeim tíma sem hún átti að fæðast ef Hlökk hefði fengið við þeim hesti sem hún fór til og var sónuð og sögð með fyli. Nei nei sá tími var löngu útrunninn, ég var búin að fara og skoða merina mörgum sinnum og var hætt að botna í þessu. En loksins hringir Gunnar og segir mér að það sé komið folald, hann mátti alls ekki segja mér hvort það væri meri eða hestur og auðvitað vonaðist ég eftir gráu merinni sem ég var búin að bíða svo lengi eftir.
Brunum við frameftir öll fjölskyldan og ég kasólétt (átti 21. júlí) og jú er þá ekki þarna svört hryssa. Mikið var ég glöð og Gunnar hélt það nú að hún yrði að heita Hátíð, þvílík hátíð.

En þá var sagan ekki nema hálfsögð því Hlökk hafði farið í hólf til Kveiks frá Miðsitju og sögð með fyli og því létu Gunnar og Helga hana í hólf með Aski frá Kanastöðum þegar hún kom heim. Kösturnartíminn stóðst hins vegar alls ekki ef hún hefði fengið við Kveik og því lét ég senda blóð úr Hátíð í DNA próf til að athuga hvort hún væri undan Aski eða Kveik og útúr því kom Askur. Þannig að Hátíð er undan Aski. Þökk sé Gunnari og Helgu annars hefði Hlökk verið geld það árið og engin Hátíð.

Ég er bara nokkuð ánægð með þetta því Hugrún er komin útaf Kveik svo ég á í henni bæði Kolfinn og Kveik og svo er Askur því miður fallinn frá og því gott að eiga undan honum. Hlökk fór til Forseta frá Vorsabæ þetta sumar en hélt ekki, var lengi þar syðra og sá ég ekki folaldið fyrr en undir jól. Þá vildi Gunnar að ég tæki það inn því það væri alls ekki stórt. Hátíð var tekið á hús og kom þokkalega undan vetri en svo náði hún sér bara vel á strik um sumarið. Hún er óskaplega góð og gæf og hef ég líka heyrt því fleygt að hún sé afskaplega kátt tryppi og hreyfingafallegt.

Fór í Þingeyra í sumar að heimsækja Hátíð en hún var þar í góðu yfirlæti niður á engjum. Ég náðii nokkrum myndum af henni, en hún er gæf og forvitin og grá :)

Helga tók hana með örðum tryppum í smá tamningu í október 2006 og virtist hún auðveld í umgengni og lítur út fyrir að meira segja ég gæti tamið hana. Hún verður send eitthvað í tamningu eftir áramótin 2006-2007 bara spurning hver verður fyrir valinu.

Það verður spennandi að fylgjast með tamingu á henni næstkomandi vetur.