« Pirruð | Main | Keflavík í gær »
April 09, 2007
Allir komnir heim
Já við erum sem sagt komin heim og rétt að setja hér inn nokkrar línur :)
Við, þ.e. ég, strákarnir og hundurinn, fórum norður laugardaginn 31. mars. Skildum Kol eftir þar sem við eigum svo frábæra nágranna, stelpurnar á móti sáu um hann en Guðrún út á enda sá um að kíkja eftir húsinu og póstinum, takk takk.
Fórum í Miðhús, þar sem Maggi var lang líklegastur til að passa hundinn á meðan ég var að kenna :)
Hann tók strákana reyndar líka að sér þann daginn á meðan ég var að kenna en næstu daga tróð ég þeim uppá Jóhönnu mágkonu mína á Helgavatni og mömmu sem var henni til aðstoðar þar sem hún fór í hnéaðgerð fyrr í vikunni þ.e. Jóhanna. Ég er alltaf svo tillitsöm eða þannig. Hnéð var nú sem betur fer betra eftir aðgerðina.
Halla sá svo um strákana á miðvikudeginum á meðan prófin voru en þau gengu glymrandi vel. Um kvöldið þegar við komum heim frá Helgavatni stungu þeir af útí fjós og ég dreif mig til stelpanna í saumaklúbb. Það var afskaplega notalegt eins og alltaf.
Takk allir fyrir okkur :)
Beggi kom svo norður á miðvikudeginum, kom sem sagt frá útlöndum á þriðjudeginum. Við ætluðum að hittast á Akureyri en það var auðvitað fullt í flug þann daginn svo hann kom bara á bílnum, veitti svo sem ekki af fyrir allt draslið því það kemst jú aðeins meira aftur í í Trooper en Skoda. Með troðfullan bíl var lagt í hann norður í Aðaldalinn. Vorum komin þangað um 9 leytið á miðvikudagskvöld.
Vorum heima á Sandi sem er fallegasti staður ever, já og Vatnsdalurinn líka ....
og útsýnið alveg frábært í allar áttir
Það er búið að taka húsið allt í gegn að utan en innan er verið að gera upp syðri partinn. Merkilegt hvað manni finnst allt vera stórt í minningunni en að innan finnst mér húsið svo lítið eftir að það er búið að breyta herbergjaskipan. Amma og afi áttu heima í syðri hlutanum alla sína búskapartíð en nú er búið að skipta húsinu í tvær íbúðir og vorum við í nyrðri partinum.
Á fimmtudeginum fórum við í fermingarveislu til Snæfríðar frænku minnar, dóttur Loga og Berglindar og það var alveg óskaplega falleg og notaleg veisla. Við gáfum henni fallegt hálsmen sem Solla frænka smíðaði og Solla og mamma hennar gáfu henni hring sem Solla smíðaði líka. Við Logi og Solla erum sem sagt systrabörn. Alltaf jafngaman að hitta frændfólk sitt. Takk fyrir okkur.
Hér er mynd af Snæfríði sem ég tók daginn eftir fermingu því ég gleymdi myndavélinni á sjálfan fermingardaginn
Já og bara svo þið vitið það líka þá reka þeir Árbótarbræður, þ.e. fyrrnefndur Logi og Óli, kjötvinnsluna Viðbót á Húsavík.
Við gerðum okkur ýmislegt til dundurs á Sandi, fórum út að Vatni eins og alltaf þegar við erum þarna, niður að Fljóti og uppá Hrygg svo eitthvað sé nefnt.
Mjög góður fótboltavöllur er fyrir austan húsið og fóru allir strákarnir í fótbolta þ.e. þeir feðgar og feðgarnir Sigfús og Númi líka.
Salka gat hins vegar alls ekki verið úti á meðan því hún tekur alltaf boltann og hleypur með hann til næsta manns, hún var því inni hjá okkur gömlu konunum á meðan :)
Á páskadag fundu strákarnir auðvitað "öll" páskaeggin....
og amma fékk meira segja eitt, hún hafði víst ekki fengið páskaegg í mörg ár :)
Komum heim í gær og stórþvottur í dag.......
Posted by Selma at April 9, 2007 04:29 PM